Վրաստանում «խոզի գրիպից»՝ A/H1N1-ից մահացել է 13-ամյա մի երեխա: Մարիամ Իոբաշվիլին բուժման կուրս էր անցնում տանը եւ ուշացմամբ է տեղափոխվել Թբիլիսի Իաշվիլու անվան մանկական կլինիկա:
GHN-ի տվյալներով, աղջնակը մահացել է հոսպիտալացման երրորդ օրը:
Կլինիկայի ղեկավար Իվա Կաչիաուրիի խոսքով, աղջկա առողջական վիճակը վատթարացել է նաեւ ծանր անեմիայի եւ խրոնիկ դեղնախտի պատճառով: Հիվանդանոցում նույն ախտորոշմամբ շարունակում են մնալ երկու ծանր հիվանդ, սակայն, բժիշկների ասելով, նրանց վիճակը կայուն է:
Ներկայումս Վրաստանում գրանցվել է խոզի գրիպով վարակման 966 դեպք: