Բրազիլական Ռիո Գրանդե դը Սուլ նահանգի ափերին ավելի քան 500 սատկած պինգվիններ են հայտնաբերվել:
Ինչպես հաղորդում է «Կոմսոմոլսկայա պրավդան», թռչունների զանգվածային մահացության պատճառները հայտնի չեն, դրանք պարզում են կենսաբանները: Ըստ հետազոտողների` պինգվիններն արտաքնապես առողջ են երեւում: Պորտու Ալեգրի նահանգի մայրաքաղաքի համալսարանում տարվող փորձաքննության արդյունքները հայտնի կդառնան միայն օգոստոսին, ճշտում է rbc-ն:
Մահացած պինգվինները մագելանյան տեսակի են, որոնք ապրում են Արգենտինայի եւ Չիլիի հարավում, գրում է Lenta.ru-ն: Ամեն տարի մարտից մինչեւ սեպտեմբեր նրանք գաղթում են հյուսիս:
Տեսակն անվանվել է Ֆերնան Մագելանի պատվին, որը բացահայտել էր պինգվինների բնակավայրը: Այդ թռչունների ընդհանուր քանակը մոտավորապես 1,8 միլիոն զույգ է:
