Իսպանական Փամփլոնա քաղաքում շաբաթ տեղի է ունեցել վերջին՝ ութերորդ ավանդական ցլավազքը «Սան Ֆերմին» փառատոնի շրջանակում:
Ինչպես հաղորդում է «ՌԻԱ Նովոստին», ավանդական ցլավազքերը կամ «էնսիերոն», որն ավելի քան մեկ շաբաթ շարունակվել է Փամփլոնայում, այս քաղաքում առանց զոհերի է անցել, սակայն տոնական միջոցառումների ժամանակ տուժածների ընդհանուր թիվը հասել է 34 –ի, ինչը, սակայն «Սան Ֆերմին» տոնակատարությունների ժամանակ արձանագրված նվազագույն ցուցանիշն է:
Վերջին «էնսիերոյին» մասնակցել է վեց ցուլ եւ հարյուրավոր մարդիկ, ովքեր ցանկացել են ցլերի հետ վազել մինչեւ արենա:
Նախնական տվյալներով, ընդհանուր առմամբ 2012թ. փառատոնին մասնակցել է մոտ 500 հազ. մարդ, որից մոտ 10 հազարը ցանկություն է հայտնել մասնակցել ցլերի հետ վազքին:
Նշենք, որ փառատոնն անցկացվում է 1591 թ-ից եւ մեծ ժողովրդականություն է վայելում: