Տիեզերքում գտնված օրգանիզմների կյանքի տեւողությունն աճում է:
Հաղորդվում է, որ նման եզրակացության է հանգել տիեզերագնացների մկանային եւ ոսկրային զանգվածի կորստի ուսումնասիրությամբ զբաղվող հետազոտողների միջազգային խումբը: Խնդիրն այն է, որ տիեզերական թռիչքների ժամանակ օրգանիզմում նվազում է սպիտակուցների քանակը: Բացի այդ, հայտնաբերվել է գեների խումբ, որոնց գործունեությունը նվազում է տիեզերք թռիչքի ժամանակ:
Գիտնականները նույն գիտափորձը կատարել են Երկրի վրա լաբորատոր պայմաններում` Caenorhabditis elegans որդերի վրա` արհեստականորեն նվազեցնելով այդ գեների գործունեությունը: Արդյունքում նրանց կյանքի տեւողությունը նկատելիորեն ավելացել է:
Նոր բացահայտման կապակցությամբ գիտնականները խորհուրդ են տալիս ավելի հաճախ թռչել տիեզերք:
