Կրիմսկի ղեկավար Վլադիմիր Ուլանովսկին եւ Կրիմսկի շրջանի նախկին ղեկավար Վասիլի Կրուտկոն ձերբակալվել են Կուբանի ջրհեղեղի գործով:
Ինչպես հաղորդում է «Lenta.ru»-ն, նրանց հետ միասին ձերբակալվել է նաեւ Կրիմսկի շրջանի քաղաքացիական պաշտպանության եւ արտակարգ իրավիճակների նախազգուշացման վարչության պետի պաշտոնկատար Վիկտոր Ժդանովը:Նրանց կասկածում են «անփութության մեջ, որը հանգեցել է երկու եւ ավելի անձանց մահվան»: Հետաքննությունը նրանց կալանքի տակ վերցնելու վերաբերյալ միջնորդություն կներկայացնի:
Ինչպես հաղորդել էր NEWS.am-ը, հուլիսի 7-ի գիշերը երեք քաղաքներում (Գելենջիկ, Կրիմսկ, Նովոռոսիյսկ) ջրի տակ էին անցել շուրջ 5 հազար բնակելի տներ: Զոհվել է 180 մարդ: Զոհվածների թվում յոթ հայ կա:
