Հայաստանում «խոզի գրիպի» վիրուսով վարակվածների թիվը հունվարի 13-ի դրությամբ հասնում է 119-ի: Այս մասին հաղորդում է առողջապահության նախարարության կայքը, որտեղ գրված է նաեւ, որ ներկայումս բժշկական հաստատություններում բուժվում է 2 հիվանդ, իսկ մնացած 114 հոգին ստացել են համապատասխան բժշկական օգնությունը եւ դուրս գրվել հիվանդանոցներից:
Պաշտոնական տվյալներով, Հայաստանում մինչ օրս մահացության 3 դեպք է գրանցվել: Գերատեսչության հաղորդմամբ, հանրապետությունում նվազել է սուր վարակիչ հիվանդությունների եւ շտապօգնության կանչերի քանակը:
