Թուրքիայի պետնախարար, Եվրամիության անդամակցության գծով գլխավոր բանագնաց Էգեմեն Բաղըշը կարծում է, որ Թուրքիան արդեն մտել է Եվրամիություն։
Թուրքական Ebmhaber կայքէջի փոխանցմամբ՝ Բաղըշը ասել է. «Ամեն անգամ Եվրոպա այցելության ժամանակ ինձ հարցնում են, թե ե՞րբ է Թուրքիան մտնելու Եվրամիություն։ Ես էլ պատասխանում եմ, որ նրանք ուզեն չուզեն՝ միեւնույնն է մենք արդեն Եվրամիություն մտել ենք։ Թուրքիայում շատ բան է փոխվել։ Թուրքիան դարձել է աշխարհում ամենամեծ տնտեսություն ունեցող 16-րդ երկիրը։
Թուրքիան մշտապես եղել է կամուրջ՝ արեւմտյան քրիստոնեական եւ արեւելյան մահմեդական աշխարհների միջեւ։
Ներկայումս Թուրքիայում տարբեր փոփոխություններ են տեղի ունենում։ Պետությունը աշխատում է լուծել հույների, հայերի, քրդերի, ալեւիների խնդիրները։
Թուրքիայի ԵՄ-ին անդամակցությանը ոչ մի ուժ չի կարող կանգնեցել։ Մի լսեք այն անձանց, ովքեր ասում են, թե Թուրքիայի ԵՄ-ին անդամակցության բանակցությունները դանդաղել են»,-ասել է Էգեմեն Բաղըշը։