Մարտի վերջին Վրաստան կհասնի «խոզի գրիպի» դեմ պատվաստուկը:
Ինչպես հաղորդել է Հիվանդությունների վերահսկման ազգային կենտրոնի համաճարակային ստուգման ծառայության ղեկավար Խաթունա Զախաշվիլին, առաջին փուլում Վրաստանը Առողջապահության համաշխարհային կազմակերպությունից կստանա 150 հազար միավոր պատվաստուկ:
Դրանք նախատեսված են լինելու ռիսկային խմբերի համար՝ բժիշկների ու ծանր հիվանդների համար:
Զախաշվիլիի խոսքով՝ վերջին օրերին նոր դեպքերը կտրուկ կրճատվել են, եւ միայն եզակի երեւույթներ են նկատվում:
Վրաստանում գրանցվել է խոզի գրիպի 1286 դեպք, որոնցից 33-ը՝ մահացու ելքով: