Շվեդիան կողմ է, որպեսզի Հայաստանին Եվրամիությանն անդամակցելու հնարավորություն ընձեռվի: Այս մասին ՆԱՏՕ-ի խորհրդարանական վեհաժողովի Երեւանում անցկացվող «Ռոուզ ռոթ» սեմինարի ժամանակ ելույթում հայտարարել է Շվեդիայի խորհրդարանի արտաքին հարաբերությունների հանձնաժողովի նախագահ Գորան Լենմարկերը, ով նաեւ ԵԱՀԿ ԽՎ-ում ԼՂ հարցով հատուկ ներկայացուցիչն է:
Նրա խոսքով, Հայաստանը Եվրոպայի շատ ավելի հին երկրներից է, քան Շվեդիան: «Երբ Հայաստանը առաջինն աշխարհում ընդունեց քրիստոնեությունը, Շվեդիան եւ շատ այլ եվրոպական երկրներ գոյություն չունեին»,- նշել է նա:
