Հարավային Կորեայի նախագահ Պակ Գըն Հե-ն խոստացել է ազգային հետախուզական ծառայության կառույցներում բարեփոխումներ իրականացնել այն բանից հետո, երբ տեղեկություններ են ստացվել Հյուսիսային Կորեայի մի փախստական քաղաքացու լրտեսության մեջ մեղադրելու նպատակով գործակալների կողմից ապացույցների կեղծման վերաբերյալ:
Հետախուզական ծառայության փոխնախագահներից մեկը պաշտոնապես ներողություն է խնդրել սկանդալի համար: Նախորդ օրը հրաժարական էր տվել նրա տեղակալը:
Երեք գործակալներ ապացույցների, այդ թվում նաեւ` Չինաստանի հետ սահմանային վերահսկողության արձանագրությունների կեղծման մեջ են մեղադրվել:
Կեղծված փաստերի օգնությամբ հետախույզները լրտեսության գործունեության մեջ են մեղադրել ԿԺԴՀ քաղաքային վարչության մի նախկին աշխատակցի, որ Հարավային Կորեա էր փախել 2004թ, Agence France-Presse-ին վկայակոչելով հաղորդում է BBC-ի ռուսական ծառայությունը: