Շրի-Լանկայի իշխանությունները երկրի տարածքից մի բրիտանուհու արտաքսման վերաբերյալ որոշում են կայացրել, քանի որ վերջինիս ձեռքին Բուդդայի պատկերով դաջվածք է հայտնաբերվել: Ոստիկանության հաղորդմամբ, բրիտանացի զբոսաշրջիկը Հնդկաստանից Շրի-Լանկա էր ժամանել ապրիլի 21-ին եւ հենց օդանավակայանում էլ ձերբակալվել:
Առավելապես բուդդայական համարվող այս երկրում պարբերաբար Բուդդայի կերպարի հանդեպ հարգալից վերաբերմունքի պահպանման ուղղված խիստ միջնոցներ են ձեռնարկվում, հաղորդում էBBC-ի ռուսական ծառայությունը:
Երկու տարի առաջ երեք ֆրանսիայի զբոսաշրջիկներ պայմանականորեն դատապարտվել էին` Բուդդայի արձանը համբուրելու համար: Շրի-Լանկա այցելած բրիտանացիներին խորհուրդ է տրվում չնկարահանվել Բուդդայի արձանների մոտ: