ՌԴ նախագահ Վլադիմիր Պուտինը ստորագրել է Հայաստանի հետ ռազմատեխնիկական համագործակցության զարգացման մասին պայմանագրի վավերացման մասին օրենքը: Համապատասխան փաստաթուղթը տեղադրված է իրավական տեղեկատվության պաշտոնական պորտալում:
Հիշեցնենք, որ փաստաթուղթը ստորագրվել է 2013թ. հունիսի 25-ին, Երեւանում: Դրա առարկան Հայաստանի եւ Ռուսաստանի ազգային զինված ուժերի, ռազմական խմբավորումների, իրավապահ մարմինների եւ հատուկ ծառայությունների վերազինման նպատակներով ռազմական նշանակության արտադրանքի փոխադարձ մատակարարումների իրականացման կարգի սահմանումն է:
«Պայմանագրի համաձայն, ռազմական նշանակության արտադրանքի մատակարարումները կիրականացվեն ըստ երկու կողմերի իրավասու կազմակերպությունների կողմից կնքված պայմանագրի, առանց արտահանմ/ներմուծման լիցենզիայի տրամադրման», - ասվում է ուղեկցվող փաստաթղթերում:
