ԱԷՄԳ-ը հայտարարել է, որ Իրանը ոչնչացրել է հարստացված ուրանի պաշարները՝ ըստ Ժնեւում անցյալ տարվա նոյեմբերին Իրանի պատվիրակության եւ համաշխարհային վեց գերտերությունների միջեւ ձեռքբերված համաձայնությունների:
ԱԷՄԳ-ի զեկույցում ասվում է, որ Իրանը կատարել է համաձայնագրի պայմանները, որի ժամկետը պետք է ավարտվեր հուլիսի 20-ին, սակայն անցյալ շաբաթ երկարացվել էր մինչեւ նոյեմբեր: Թեհրանից պահանջվում էր 20 տոկոսով դադարեցնել ուրանի հարստացումը եւ վերափոխել արդեն հարստացված ուրանը:
Վիեննայում տեղի ունեցած բանակցությունների ընթացքում Իրանի, Չինաստանի, Ռուսաստանի, Գերմանիայի, Մեծ Բրիտանիայի, Ֆրանսիայի եւ ԱՄՆ-ի ներկայացուցիչներին չի հաջողվել մինչեւ հուլիսի 20-ը համաձայնեցնել Իրանի միջուկային ծրագրի վերաբերյալ վերջնական պայմանագրի պայմանները:
Արեւմուտքի երկրները Իրանին կասկածում են միջուկային զենք ստեղծելու մեջ: Թեհրանը պնդում է, որ իր միջուկային ծրագիրը ծառայում է բացառապես խաղաղ նպատակների:
