Հայաստանում Opera Mini բրաուզերի օգտատերերը, համաձայն Opera Software ընկերության կողմից ստացված տվյալների, բջջային ինտերնետի համար ամսական միջինում 34 մլն դրամ են տնտեսում: Այսպես, 2014թ առաջին կիսամյակում հայ օգտատերերը բջջային ինտերնետի համար 200 մլն դրամ են տնտեսել: Նման տնտեսումը հնարավոր է եղել շնորհիվ Opera Mini-ում ներկառուցված տվյալների սեղմման տեխնոլոգիայի, որը բոլոր ստացված ֆայլերի չափերը իրենց սկզբնական չափսերից մինչեւ 10 % նեղացնում է: Սա հնարավորություն է տալիս զգալիորեն կրճատել բջջային ինտերների ծախսերը, հատկապես ռոումինգում գտնվելիս, ինչպես նաեւ մեծացնել վեբ-կայքերի ներբեռնման արագությունը:
ASA-ի մամուլի ծառայությունից NEWS.am-ին հաղորդել են, որ Opera Mini բրաուզերը համատեղելի է Android, Apple եւ Java համակարգերով աշխատող ավելի քան երեք հազար բջջային սարքերի հետ: Հիշեցնենք, որ բոլորովին վերջրես Opera-ն ներկայացրել է iPhone եւ iPad-ի համար Opera Mini ամենամասշտաբային թարմացումը՝ կատարելապես նոր ինտերֆեյսով mini 8-ը, որը առանձնանում է հարթ, iOS 7-ի հետ լիովին համատեղելի դիզայնով, ինչպես նաեւ տվյալների սեղմման 3 տարատեսակ ռեժիմներով:
Opera Mini բրաուզերը կարելի է անվճար բեռնել m.opera.com կայքից, Apple App Store-ից կամ Google Play-ից:
