Հայաստանի համայնքների միության նախագահ Էմին Երիցյանը հուլիսի 21-ին կայացած ասուլիսում հանրապետության ընտրական համակարգում փոփոխությունների 8 առաջարկ է ներկայացրել: Համայնքների միությունը, մասնավորապես, առաջարկում է հետեւյալը.

1. տեղական իշխանության ներկայացուցչական մարմիններում ընտրական միասնական նվազագույն տարիք սահմանել;

2. տեղական ինքնակառավարման մարմինների ընտրություններում մասնակցության նվազագույն տարիք սահմանել 16 տարեկանը;

3. Ընտրական օրենսգրքի 143 հոդվածի 6-րդ կետի 2-րդ մասից բացառել հետեւյալ ձեւակերպումը. համայնքի ղեկավարի ընտրությունը համարվում է չկայացած, եթե «նույն ժամկետում գրանցված թեկնածուների թիվը պակաս է 2-ից»;

4. հստակեցնել «Տեղական ինքնակառավարման մասին» օրենքի դրույթները, որոնք կապված են ընտրական գործընթացի ժամանակ համայնքների ղեկավարների իրավասությունների հետ;

5. տեղական իշխանությունների մարմինների ընտրությունների անցկացման միասնական օր սահմանել;

6. 10 հազարից ավելի բնակիչ ունեցող համայնքներում ավագանու խորհրդի ընտրություններն անցկացնել համամասնական ընտրակարգով;

7. համայնքի ղեկավարի տեղակալի թեկնածությունը պետք է հաստատի ավագանու խորհուրդը, իսկ պաշտոնից ազատելու իրավունքը վերապահել բացառապես համայնքի ղեկավարին;

8. 15 հազարից ավելի բնակիչ ունեցող համայնքները կարող են ունենալու համայնքի ղեկավարի երկու տեղակալ, որոնցից մեկը՝ որպես առաջին տեղակալ:

Երիցյանի խոսքով, այս առաջարկների նպատակն է մեծացնել համայնքային խորհրդի նշանակությունը, ակտիվացնել տեղական ինքնակառավարման գործում երիտասարդության մասնակցությունը, ինչպես նաեւ տեղական ինքնակառավարման ոլորտում մեծացնել քաղաքական կուսակցությունների դերն ու պատասխանատվությունը: