«Գազպրոմի» արտահանման ստորաբաժանման գլխավոր մենեջերներ Եվգենի Միշկոբսկին եւ Իլյա Կոչեւրինը ձեռք են բերել «PROsport» ամսագիրը թողարկող «Ինդեփենդեթ սպորտ» հրատարակչական տունը: Այդ ամսագրի նախկին սեփականատեր Ռոման Աբրամովիչը այդ բիզնեսից դեռ նախորդ տարի էր դուրս եկել՝ դադարեցնելով աջակցությունը ռուսական ֆուտբոլին, հաղորդում է «Կոմերսանտը»:
Նոր սեփականատերերը սպորտի հանդեպ մեծ հետաքրքրություն ունեն, նշում է պարբերականը: Այսպես, Միշկովսկին Պրահայի «Առյուծ» հոկեյի ակումբի բաժնետեր է, Կոչերինը՝ Հոկեյի կոնտինենտալ լիգայի փոխնախագահը:
TNS Russia-ի տվյալներով, 2013թ. դեկտեմբեր-ապրիլ ամիսներին «PROsport» հերթական համարի լսարանը կազմել է 427,5 հազար մարդ:
