Հայաստանի ԱԻՆ-ում, հուլիսի 22-ին, ժամը 22.02-ին ահազանգ է ստացվել, որ Կաթնաղբյուր-Թալին ավտոճանապարհին տեղի է ունեցել ավտովթար, առկա է վառելիքի արտահոսք. անհրաժեշտ է օգնություն:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Պարզվել է, որ Մ-1 միջպետական ավտոճանապարհի Երեւան-Գյումրի 68-րդ կմ-ին դեռեւս չբացահայտված հանգամանքներում բախվել են «Մերսեդես» մակնիշի 34 ՏT 030  (վարորդ` Գ. Վ., ծնվ. 1966թ.) եւ «Ֆոլքսվագեն» մակնիշի 29 ԼՕ 548 համարանիշի ավտոմեքենաները, ինչի հետեւանքով «Ֆոլքսվագեն» մակնիշի ավտոմեքենայի ուղեւորներ` 35-ամյա Ն. Փ.-ն, 14-ամյա Ա. Կ.-ն եւ 11-ամյա Մ. Կ.--ն տարբեր աստիճանի մարմնական վնասվածքներով հոսպտալացվել են Թալինի ԲԿ:

Հրշեջ-փրկարարները գազազրկել եւ հոսանքազրկել են ավտոմեքենաները: