Քալիֆորնիա նահանգի 80-ամյա բնակիչը կրակել է կնոջ վրա: Ինչպես հաղորդում է «CBS Los Angeles»-ը, 80-ամյա Թոմ Գրիրի ծոսքով Լոնգ-Բիչ քաղաքից, նա իր տունն էր թալանում:
Նրա կրակոցների ձայներից հետո ոստիկանություն է ժամանել: Պարզվել է, որ Գրիրը կրակել է կնոջ ու տղամարդու վրա, որոնք փորձել են իրեն կողոպտել: Նրա խոսքով՝ վերջիններս արդեն բռնել էին իրեն, սակայն նրան հաջողվել էր զենքին հասնել եւ ուղղել այն կնոջ վրա:
«Նա ասաց. «Մի՛ կրակեք ինձ վրա, ես երեխայի եմ սպասում: Ես պատրաստվում եմ մայր դառնալ»: Իսկ ես կրակեցի»,- պատմել է Գրիրը: Նա ասաց, որ երկուսն արդեն երկու անգամ եղել են իր տանը, եւ նա երկու անգամ կրակել էր կնոջ մեջքին, իսկ նրա հանցակիցը փախել էր:
Գրիրին չեն ձերբակալել եւ ոստիկանությունը շարունակում է որոշել մեղադրանք ներկայացնելու շուրջ:
Գրիրի հարեւան Ջորջ Ռոմերոն «CBS Los Angeles»-ին հայտարարել է, որ Գրիրը «լավ մարդ է, ում բազմիցս են կողոպտել»:
«Ես հիշում եմ, թե երբ տեղի ունեցավ առաջին անգամ: Նրանք պարզապես կոտրեցին մուտքի դուռը: Եվ երբ ես եկա ու հանդիպեցի նրան, ասացի. «Էյ, ի՞նչ է կատարվում: Քեզ հետ ամեն ինչ կարգի՞ն է: Այդ պահից ի վեր ծանոթ ենք միմյանց»,- հայտարարել է վերջինս:
