ԱՊՀ անդամ պետությունների պաշտպանության նախարարների խորհրդի հակաօդային պաշտպանության հարցերի համակարգող հանձնաժողովը 2015 թվականին մշակելու է համատեղ օդատիեզերական պաշտպանության հայեցակարգը: Այս մասին հայտարարել է ԱՊՀ անդամ պետությունների պաշտպանության նախարարների խորհրդի քարտուղար Ալեքսանդր Սինայսկին:
Նրա խոսքով, փաստաթուղթը ռազմավարական բնույթ է կրելու եւ նախատեսված է լինելու երկարաժամկետ հեռանկարի համար:
«Այս գործընթացը կատարվում է մինչեւ 2020 թվականի համագործակցության հայեցակարգային զարգացման շրջանակում, որի նախագիծը հաստատվել է 2014 թվականի հուլիսի 4-ին, Մոսկվայում եւ արժանացել է կառավարությունների ղեկավարների հավանությանը»,- Սինայսկիի խոսքերն է մեջբերում Росбалт-ը:
