Գերմանիայում երկու գնացքի բախման հետեւանքով 35 մարդ է տուժել: Տուժածներից 14-ը հոսպիտալացվել են, 4-ի վիճակը բժիշկները գնահատում են ծանր:
«ԻՏԱՌ-ՏԱՍՍ»-ի փոխանցմամբ՝ վթարը տեղի է ունեցել Մանհեյմ (Բադեն-Վյուրթեմբերգ դաշնային հող) քաղաքի երկաթուղային կայարանում: Eurocity ուղեւորատար ճեպընթաց գնացքը բախվել է բեռներ տեղափոխող գնացքին: AFP-ի տվյալներով՝ բախումից հետո ուղեւորատար գնացքի 5 վագոններ (առնվազն 250 ուղեւոր տեղափոխող) դուրս են եկել ռելսերից:
Eurocity գնացքը իրականացնում էր ավստրիական Գրաց քաղաքից գերմանական Սաարբրյուքեն երթուղին: Նրա հետ բախված ERS ընկերությանը պատկանող բեռնատար գնացքն հետեւում էր Դույսբուրգ-Շոպրան (Հունգարիա) երթուղուն: