![](img/news/22/60/88/default.jpg)
Նյու Յորքում եռօրյա միջազգային համաժողով է անցկացվելու՝ նվիրված Հայոց ցեղասպանության 100-րդ տարելիցին:
«Պատասխանատվություն 2015» (Responsibility 2015) խորագրով համաժողովը կազմակերպել է ՀՅԴ արեւելյան թեւի՝ Հայոց ցեղասպանության 100-րդ տարելիցի միջոցառումների նախապատրաստական աշխատանքների հանձնաժողովը: Այս մասին գրում է Armenian Weekly-ն:
Միջոցառմանը մասնակցելու են առաջատար պատմաբաններ, քաղաքական գործիչներ եւ մշակութային գործիչներ ամբողջ աշխարհից: Մարտի 13-15-ը նախանշված համաժողովի մասնակիցները քննարկելու են հարցեր, որոնք կապված են վնասի փոխհատուցման, Հայոց ցեղասպանության հարցով հետազոտությունների հետ եւ այլն: Ձեռնարկման շրջանակում նաեւ լուսանկարների եւ արվեստի գործերի ցուցահանդես է կազմակերպվելու: