Հարավային Չինաստանի Գույչժոու նահանգում զբոսաշրջիկը, հետաքրքրությունից դրդված, չափազանց շատ է մոտեցել մի քանի զայրացած սագի, որոնք լողալիս են եղել լճում: Լու Չենը վախեցել է, որ կխեղդվի, երբ զայրացած սագերը հարձակվել են նրա վրա: Ձախ ձեռքում սեղմելով բջջային հեռախոսը՝ նա փորձել է դուրս գալ սագերին պատկանող տարածքից:
Տապից տանջված Չենը որոշել է ջուրը մտնել, որպեսզի հովանա: Այդ պահին էլ տեղի է ունեցել հարձակումը: Լուսանկարներում, որը նկարել է ափին կանգնած լուսանկարիչը, երեւում է, որ թռչունները կտցահարում են տղամարդում աջ ոտքը, իսկ նա ջանում է գլուխը ջրի մակերեսին պահել:
«Սկզբում չհասկացա, թե ինչ է կատարվում: Հսկա թռչունները ծղրտացին, եւ մեկ ակնթարթ անց հարձակվեցին ինձ վրա: Ես փորձում էի հետ քշել, սակայն նրանք շարունակում էին հարձակվել: Նրանք կտցահարում էին ոտքերս ու ձեռքերս, ամենը, ինչին կտուցով հասնում էին: Դրանք մեծ, հզոր թռչուններ էին, շատ ցավոտ էր: Ես իսկապես խուճապի մատնվեցի»,- բրիտանական «Mail Online»-ին պատմել է տղամարդը:
Տեղի բնակիչները, լիաթոք ծիծաղելով դժբախտ զբոսաշրջիկի վրա, օգնել են նրան ափ դուրս գալ:
Տղամարդը կարծում է, որ ճիշտ կլիներ նշան տեղադրել, որը զբոսաշրջիկներին կզգուշացներ վտանգի մասին: Սակայն խոստովանել է, որ տեղացիները չեն շտապում տեղադրել, քանի որ չեն ցանկանում զրկել իրենց նման զավեշտալի իրավիճակներից:
