ՀՀԿ-ն չի քննարկել Հայաստանում Եվրասիական տնտեսական բարձրագույն խորհրդի արտագնա նիստ անցկացնելու հնարավորությունը: Այս մասին օգոստոսի 29-ին Հանրապետական կուսակցության գործադիր մարմնի նիստից հետո կայացած ճեպազրույցում լրագրողներին ասաց ՀՀԿ մամուլի խոսնակ Էդուարդ Շարմազանովը:
Հիշեցնենք, որ «Բազե 2014» համահայկական երիտասարդական հավաքի ժամանակ վարչապետ Հովիկ Աբրահամյանը հայտարարել էր նախնական համաձայնության մասին՝ կապված սեպտեմբերին ՌԴ վարչապետ Դմիտրի Մեդվեդեւի Հայաստանի այցի հետ: Ըստ նախնական համաձայնության՝ սեպտեմբերին նախանշված է նաեւ Եվրասիական տնտեսական բարձրագույն խորհրդի արտագնա նիստ՝ ԵՏՄ անդամ երկրների վարչապետերի մակարդակով: