Ռուսաստանը կարող են անջատել ինտերնետից՝ ոչ բարեկամական գրոհների կամ այլ արտակարգ իրավիճակի դեպքում խախտումների կանխման նպատակով: Ընդ որում, արտակարգ իրավիճակ կարող են համարվել Ռուսաստանի ներսում զանգվածային բողոքի ցույցերը կամ ռազմական գործողությունները:
Երկրի անվտանգության խորհուրդը՝ Վլադիմիր Պուտինի մասնակցությամբ, կդիտարկի սեպտեմբերի վերջին Ռուսաստանը ինտերնետից անջատելու հնարավորությունը: Իշխանությունները կարծում են, որ սա անհրաժեշտ է արտակարգ իրավիճակի պայմաններում:
Նիստի գլխավոր նպատակը Համաշխարհային ցանցում ռուսական հատվածի ինքնիշխանության ամրապնդումն է: Հավանաբար, Ռուսաստանը ինտերնետից անջատելու հնարավորություն նախատեսող ինտերնետի կառավարման նոր կարգ կսահմանվի:
ԱԽ-ի մասնակիցները նաեւ կքննարկեն դոմենների կառավարչի գործառույթը պետությանը փոխանցելու հնարավորությունը: Դրանով դեռեւս զբաղվում է «Ինտերնետ ցանցի ազգային դոմենի համակարգող կենտրոնը»: Տվյալ դեպքում պետության նպատակը կդառնա Ռունետի պաշտպանությունը ԱՄՆ-ի մեկուսացումից: Դա հնարավոր կլինի, եթե Ամերիկան որոշի Ռուսաստանն անջատել IP հասցագրման համագարգից:
Նախագահի մամուլի քարտուղար Դմիտրի Պեսկովի խոսքով՝ Անվտանգության խորհրդի անդամների օպերատիվ խորհրդակցությունը տեղի կունենա սեպտեմբերի 22-ին:
Փորձագետների խոսքով՝ ինտերնետի ազգային հատվածի պաշտպանությունը տեխնիկապես բարդացված է, եւ օպերատորները հարկադրված կլինեն տրաֆիկի ֆիլտրացիայի եւ վերլուծության համար նոր սարքավորումներ տեղադրել: Ծախսերի մասշտաբները դեռեւս չեն գնահատվել:
