Ռուսաստանի Յամալո-Նենեցական ինքնավար մարզում շները գզել են 2-րդ դասարանցի աշակերտուհուն, որը ստացված վնասվածքներից հենց տեղում մահացել է: Ինչպես հաղորդում է «Ինտերֆաքս»-ը, փաստի առթիվ նյութեր են հավաքվում:
Իրավապահ մարմինների փոխանցմամբ՝ ողբերգությունը տեղի է ունեցել դպրոց-ինտերնատի բակում, որտեղ հայտնաբերվել է 2-րդ դասարանցի աղջկա բզկտված մարմինը:
Ստուգման ընթացքում պարզվել է, որ աղջկա վրա հարձակված շները պատկանել են դպրոց-ինտերնատի անձնակազմին: Ներկայումս հետազոտվում են տեղի ունեցածի բոլոր հանգամանքները, որից հետո քրեական գործ հարուցելու որոշում կկայացվի:
