Ռուս-վրացական սահմանի «Լարս» անցակետը ժամանակավորապես կփակվի գիշերային ժամերին` Դեւդորակի կիրճում սողանքի վտանգի պատճառով, սեպտեմբերի 29-ին լրագրողներին հայտնել է Վրաստանի տարածաշրջանային զարգացման եւ ենթակառուցվածքի նախարար Դավիդ Շավլիաշվիլին:
Ըստ նրա` առատ տեղումներ են սպասվում: «Ըստ օդերեւութաբանների` սողանքներ չեն սպասվում, սակայն վտանգ կա, որ կարող են մեծ լեռնազանգվածները տեղաշարժվել: Մեր եւ այլ մարմինների ներկայացուցիչները գտնվում են այդ վայրերում եւ վերահսկում են լեռնազանգվածների շարժումը:
Ամենայն հավանականությամբ, անվտանգության նկատառումներով մենք գիշերային ժամերին կփակենք անցակետը, հետո կնայենք եղանակային պայմաններին»,- ասել է նա:
Վրացական մամուլը հայտնում է, որ Վրաստանում առաջիկա օրերին եղանակային պայմանները կտրուկ կվատանան:
