«Երեւան Էքսպո» կենտրոնում, հոկտեմբերի 2-3-5-ին, տեղի կունենա 10-րդ ամենամյա ԴիջիԹեք ցուցահանդեսը:
«Անտարես» մեդիա հոլդինգը ԴիջիԹեք ցուցահանդեսում կներկայցնի Ուոլտեր Այզեքսոնի «Սթիվ Ջոբս» գիրքը, որպեսզի նպաստի երիտասարդ նորարարների ոգեշնչմանը եւ զարգացմանը: Ցուցահանդեսի ժամանակ գիրքը կվաճառվի հատուկ գնով՝ 9990 դրամ:
ԴիջիԹեք-ի հիմնական նպատակը բարձր տեխնոլոգիաների ընկերությունների, գործարար սպառողների եւ հասարակության միջեւ հաղորդակցման բարենպաստ միջավայր ստեղծելն է: Ցուցահանդեսը հայաստանյան ՏՀՏ դաշտի իրական պատկերն ուսումնասիրելու, ընկալելու, ձեռքբերումներին ծանոթանալու, առկա մարտահրավերներն ու հեռանկարները տեսնելու հնարավորություն է տալիս: Այն նաեւ միտված է միջազգային կապերի ընդլայնմանը:
2005 թվականին ԴիջիԹեք ցուցահանդեսում ներկայացված էին 20 հայաստանյան ընկերություններ, իսկ 2013թ-ին նրանց քանակը հասավ 120-ի, որոնց կազմում էին մի շարք արտասահմանյան առաջատար ընկերություններ: 2014թ-ին նախատեսվում մոտ 150 մասնակից ընկերություն: