Հայաստանի փորձաքննությունների ազգային բյուրոյում այսօր՝ սեպտեմբերի 29-ին, վերջինիս եւ Բժշկական գենետիկայի եւ առողջության առաջնային պահպանման բժշկական կենտրոնի միջեւ կայացել է մոլեկուլյար գենետիկայի ոլորտում գիտագործնական համագարծակցության շուրջ պայմանագրի հանդիսավոր ստորագրումը:
Ինչպես նշեց Փորձաքննությունների ազգային բյուրոյի տնօրեն Արտաշես Ջավադյանը, միջազային փորձը ցույց է տալիս, որ դատական փորձաքննության եւ հանցավորության ոլորտում այսօրվա դրույթյամբ ամենաարդյունավետ մեթոդներից մեկը մոլեկուլյար գենետիկ հետազոտություններն են, որոնց նպատակը ԴՆԹ նույնականացումներն են: «Սա հիմնականում արվում է «տաք հետքերով» հանցագործությունները բացահայտելու համար», - ասաց Ջավադյանը՝ առանձնահատուկ ընդգծելով, որ այդ աշխատանքները մեծ կարեւորություն են ներկայացնում: «Վերջերս մենք այդ հարցը քննարկել են նաեւ ՀՀ առողջապահության նախարար Արմեն Մուրադյանի հետ: Եվ մենք հույս ունենք, որ նախարարությունում աշխատող մեր գործընկերները նույնպես կաջակցեն մեզ»:
«Այսօր ազդեցիկ Բժշկական գենետիկայի եւ առողջության առաջնային պահպանման կենտրոնի հետ համագործակցության մեկնարկը տրվեց: Երկկողմանի համագործակցությունը լուրջ արդյունքների կհանգեցնի. եւ մեր երկրում նույնպես կներդրվի այդ համակարգը», - հավաստիացրեց Ջավադյանը:
Բժշկական գենետիկայի եւ առողջության առաջնային պահպանման կենտրնի ղեկավար Թամարա Սարգսյանի խոսքով՝ Կենտրոնն ունի միջազգային սերտիֆիկատ, ինչպես նաեւ բավարար սարքավորումներ ու մասնագետներ, որոնք կարող են իրականացնել բոլոր վերոնշյալ հետազոտությունները: «Հաշվի առնելով յուրաքանչյուր ընտանիքի համար այս գործի արտակարգ կարեւորությունը՝ մենք ամեն ինչ պարտավոր ենք անել ամենաբարձր մակարդակում», - ընդգծեց Թամարա Սարգսյանը:
