Արեւմտյան Հայաստանի Մուշ քաղաքում բնակվող հայերի միակ ցանկությունը հայերենի ուսուցիչ ունենալն է: Այս մասին այսօր` սեպտեմբերի 30-ին, լրագրողների հետ զրույցում ասաց Ազգային ժողովի ԲՀԿ խմբակցության պատգամավոր Արագած Ախոյանը, որն օրեր առաջ է վերադարձել Մուշից, որտեղ կա արդեն հայկական համայնք:
«Բացի մշեցիների հետ հանդիպումներից` մենք հանդիպել ենք նաեւ Վանի, Դիարբեքիրի, Տիգրանակերտի քաղաքապետներին: Վերջին երկու քաղաքապետները նոր էին ընտրվել, բայց նորից նույն կուսակցությունից էին: Նրանք խոստացան, որ լինելու են ավելի ակտիվ, քան նախկինում էր: Ինչ վերաբերվում է Մուշի հայկական համայնքին, ապա մեծ դժվարությամբ այն ստեղծվեց»,- ասաց պատգամավորը:
Նրա խոսքով` Արեւմտյան Հայաստանում այժմ պատրաստվում են մեծ գիտաժողովի, որը նվիրված է լինելու Հայոց Ցեղասպանության 100-րդ տարելիցին. «Լեզուն հայերենն է լինելու, Արեւմտյան Հայաստանի ամենամեծ քաղաքներից մեկում, ավելին ասել այս պահին չեմ կարող»:
