![](img/news/23/16/21/default.jpg)
«Վերին Լարս» անցակետի իրավիճակի հետ կապված հարկավոր է աշխատանքային խումբ ստեղծել, որը կզբաղվի տեղանքի ուսումնասիրմամբ, որտեղ ամենից հաճախ են սողանքներ լինում, եւ աջակցություն ցուցաբերել ենթակառույցների վերականգնմանը: Խորհրդարանում սեպտեմբերի 30-ին նման հայտարարությամբ է հանդես եկել ՕԵԿ-ական պատգամավոր Լեւոն Դոխոլյանը՝ անդրադառնալով Ռազմավիրական ճանապարհին մշտապես ծագող խնդրին:
Ըստ Դոխոլյանի՝ դա անհրաժեշտ է անել, քանի որ ճանապարհին պարբերական սողանքների պատճառով տուժում են ոչ միայն տնտեսվարող սուբյեկտները, այլեւ շարքային քաղաքացիները, որոնք ստիպված են լինում մի քանի օր մնալ առանց տանիքի եւ սննդի: «Նման պայմաններում տուժում են տնտեսվարող սուբյեկտները, որոնց հետ մատակարարումների ժամկետների խախտման պատճառով կարող են դադարեցվել պայմանագրերը: Երկիրը կարող է տնտեսական կորուստներ կրել»: