Ֆրանսիայի մայրաքաղաքում այսօր՝ հոկտեմբերի 2-ին, բացվել է Փարիզի միջազգային ավտոսրահը, հաղորդում է RT-ն: Այս միջոցառումն անցկացվում է 1898 թվականից եւ համարվում է աշխարհում ամենահեղինակավորներից եւ ամենաշատ այցելուներ ունեցողներից մեկը:
Ավտոսրահի շրջանակներում Lamborghini ընկերությունը ներկայացրել է իր առաջին հիբրիդային սուպերքարը՝ Asterion-ը: Մեքենան ունի V10 շարժիչ, 5,2 լիտր ծավալով, միաժամանակ հագեցած է երեք էլեկտրական շարժիչներով:
Փարիզի ավոտսրահում ներկայացվել է նաեւ BMW X6-ը: Ի տարբերություն նախորդ մոդելների, սա ավելի լայն է ու երկար:
Բացի այդ, առաջին անգամ հանրությանը ներկայացվել է Bentley ընկերության Mulsanne լյուքս սեդանը, որն ստացել է Speed անվանումը:
Փարիզի միջազգային ավտոսրահը իր աշխատանքը կավարտի հոկտեմբերի 19-ին: