Սերժ Սարգսյանն ու Հովիկ Աբրահամյանն իրենց հրահանգներով նպաստում են նրան, որպեսզի ժողովուրդը երկրում իշխանափոխություն պահանջի: Այս մասին հոկտեմբերի 3-ին Ազգային Ժողովում կայացած ճեպազրույցում հայտարարեց ՀԱԿ խմբակցության քարտուղար Արամ Մանուկյանը:
«Ինձ համար ակնհայտ է, որ ելնելով դրանից՝ խորհրդարանական եռյակի հանրահավաքներն ավելի ագրեսիվ եւ պահանջկոտ կլինեն»,- ընդգծեց Մանուկյանը՝ նշելով, որ թիրախը Սերժ Սարգսյանը չէ, այլ երկրի վիճակը:
Արամ Մանուկյանի խոսքով, ՀԱԿ-ում ոչ ոքի չի հետաքրքրում Սերժ Սարգսյանը. «Թող նա հեռանա եւ երկիրը թողնի քաղաքացիներին ու նրանց, ովքեր նորմալ ընտրություններ կանցկացնեն: Ամենից ընդունելին այն կլինի, որ Սերժ Սարգյանը խելացի կգտնվի եւ կգիտակցի այդ»:
Հարցին՝ հնարավո՞ր է, որ հոկտեմբերի 10-ի հանրահավաքի ժամանակ իշխանափոխության պահանջ ներկայացվի, ընդդիմադիր պատգամավորը պատասխանեց. «Նման հնարավորություն ես տեսնում եմ»: