Հունիսին «Բարգավաճ Հայաստան» կուսակցության խորհրդարանական խմբակցությունը կողմ է քվեարկել «Շրջանառության հարկի մասին» օրենքի փոփոխություններին, քանի որ հանդես է գալիս հարկային բեռի թեթեւացման օգտին: Այս մասին հոկտեմբերի 3-ին Ազգային Ժողովում կայացած ճեպազրույցում հայտարարեց ԲՀԿ խմբակցության պատգամավոր Միքայել Մելքումյանը:
«Մենք չէինք կարող դեմ լինել հարկային բեռի թեթեւացմանը: Ժողովուրդը չէր հասկանա, եթե մենք դեմ քվեարկեինք, քանի որ կստացվեր, որ դեմ ենք հարկային բեռի թեթեւացմանը: Մենք կողմ ենք քվեարկել՝ պայմանով, որ երկրորդ ընթերցմամբ կընդունվեն մեր առաջարկությունները, բայց դրանք չընդունվեցին, եւ երկրորդ քվեարկության ժամանակ մեր խմբակցությունը բոյկոտեց այն»,- նշեց Մելքումյանը:
