Լեռնային Ղարաբաղի Հանրապետության Շուշիի քաղաքապետ Արծվիկ Սարգսյանը եւ Արցախ ժամանած Ֆրանսիայի Բուրգ Լե Վալանսի քաղաքապետ Մարլեն Մուրիեն, հոկտեմբերի 5-ին, ստորագրել են Բարեկամության հռչակագիր երկու քաղաքների միջեւ։
ԼՂՀ ԱԳՆ մամուլի ծառայությունից հայտնում են, որ Հռչակագրում մասնավորապես նշվում է, որ ողջունելով Լեռնային Ղարաբաղի՝ Արցախի Հանրապետության ժողովրդի եւ իշխանությունների հետեւողական քայլերն՝ ուղղված ազատ եւ ժողովրդավարական հասարակության ստեղծմանն ու զարգացմանը, ու գիտակցելով, որ Լեռնային Ղարաբաղի ժողովրդի մեկուսացումը չի նպաստում ժողովուրդների երկխոսությանը եւ վերջնական խաղաղության հաստատմանը՝ կողմերը որոշել են բարեկամական կապեր հաստատել երկու քաղաքների միջեւ։
Հռչակագիրը նպատակ ունի նպաստել երկու քաղաքների միջեւ հարաբերությունների զարգացմանը եւ խթանել համատեղ ծրագրերի իրականացումը կրթության, մշակույթի, սպորտի, առեւտրի եւ տեղական կառավարման ոլորտներում։
