Ճապոնիայում 28-ամյա Էսիտոմո Իմուրան 3D-տպիչով ատրճանակների երկու մոդելները տպելու համար դատապարտվել է 2 տարվա ազատազրկման, փոխանցում է NEWSru-ն:
Աղբյուրի փոխանցմամբ, սովորական 3D տպիչով ատրճնակների ստեղծման մասին անհրաժեշտ ողջ տեղեկատվությունը տղամարդը ստացել է ինտերնետային բաց աղբյուրներից, սակայն այդ հանգամանքը չի ազդել դատարանի վճռի վրա: Փաստը, որ Իմուրան համացանցում է տեղադրել ատրճանակների ստեղծման գործընթացը պատկերող տեսահոլովակը, պակաս կարեւոր դեր չի խաղացել դատական գործընթացքում: Այսպես, դատարանի կարծիքով, Իմուրի գործողությունները սպառնալիք են հասարակությանը, քանի որ զենք ստեղծելու հարցում կարող էին օրինակ ծառայել նաեւ մյուսներին: Մեղադրյալի եւ վերջինիս փաստաբանների փաստարկները, որ ամբաստանյալը տեղյակ չի եղել իր գործողությունների անօրինականության վերաաբերյալ, դատարանի կողմից ուշադրության չի արժանացել:
Աղբյուրը հիշեցնում է, որ 3D տպիչի օգնությամբ տպված ատրճանակների ի հայտ գալը շատ երկրների իշխանությունների շրջանում լուրջ մտահոգություն է առաջացրել:
