Իշխանությունը փորձում է խորհրդարանի օրակարգից դուրս մղել ընդդիմության հարցերը: Այդ մասին այսօր՝ հոկտեմբերի 21-ին լրագրողներին հայտարարեց «Ժառանգություն» խմբակցության ղեկավար Ռուբեն Հակոբյանը՝ ամփոփելով եռյակի ներկայացուցիչների հետ խորհրդակցությունը (ԲԿՀ, ՀԱԿ, «Ժառանգություն»):
Նրա կարծիքով, հենց այդ պատճառով իշխանությունը հերթական քառօրյա խորհրդարանական նիստին քննարկման չընդունեց ընդդիմության երկու կետերը՝ իշխանության ճգնաժամի մասին հարցի եւ Ընտրական օրեսնգրքում փոփոխությունների կատարելու նախագծի քննարկումները: «Ինչ-որ կերպ իրենց մերժումը արդարացնելու համար իշխանությունը «անսպասելիորեն» օրակարգի մեջ տասնյակ «անհետաձգելի» օրինագծեր ներառեց: Դրանց մեջ ինչն էր անհետաձգելի եւ թե ինչու հենց այսօր դրանք պետք է քննարկվեն, այլ ոչ վաղը, ոչ ոք չի բացատրում: Ակնհայտ է, որ այդ օրինագծերն այդքան էլ «տաք չէին»: Սա պարզապես մանր խորամանկություն է: Նման խոսքեր չէի ցանկանա ասել, սակայն ցավոք այլ կերպ արտահայտվելն անհնար է», - հավելեց Հակոբյանը:
