Apple ընկերությունը պաշտոնապես հայտնել է iOS 8.1 օպերացիոն համակարգի նոր տարբերակի մասին, հայտնում է «Ռոսիյսկայա գազետան»:
Աղբյուրը նշում է, որ թարմացված տարբերակի նորույթներից մեկը Pay վճարային համակարգի աջակցությունն է, որը թույլ է տալիս սմարթֆոնն օգտագործել որպես քարտ եւ վճարումներ կատարել՝ NFC անլար կապի տեխնոլոգիայի միջոցով:
Նոր հնարավորությունները հասանելի են iPhone 6, iPhone 6 Plus, iPad Air 2 եւ iPad mini 3-ի տերերին, ինչպես նաեւ Apple Watch ժամացույցը ունեցողներին, որոնք տրամադրվելու են 2015թ. սկզբին: Վճարումն իրականացնելու համար, օգտվողը պետք է նույնականացնի իրեն՝ մատը դնելով Touch ID սենսորի վրա: Apple Pay-ն աշխատում է Visa, Mastercard եւ American Express քարտերի հետ:
iOS 8.1 տարբերակում կա նաեւ Continuity ծառայություն, որը իրար է կապում նույն ցանցից միացած Apple-ի բոլոր սարքերը:
