ԵԽԽՎ-ի մշտական հանձնաժողովը դատապարտել է Ադրբեջանին բանտարկյալների արտահանձման մասին պայմանագիրը Ռամիլ Սաֆարովին անհապաղ ազատելու նպատակով օգտագործելու համար:
Հանձնաժողովը բանաձեւն ընդունել է Մեծ Բրիտանիայի պատվիրակ Քրիստոֆեր Չոփի զեկույցի հիման վրա, որտեղ մտահոգություն է հայտնվում, որ կոնվենցիան կիրառվել է Ադրբեջանին հանձնելուց հետո Ռամիլ Սաֆարովի անհապաղ ազատումն արդարացնելու համար:
Բանաձեւում ասվում է, որ կոնվենցիան նախատեսված չէ դատապարտյալների՝ հայրենիք ժամանելուն պես անհապաղ ազատ արձակելու համար:
«Ընդունելով, որ անդամ-պետությունները, տվյալ համաձայնության 12-րդ հոդվածի մասով անազատության դատապարված անձանց ներման եւ համաներման ինքնիշխան իրավունք ունեն, Վեհաժողովը հիշեցնում է, որ միջազգային հարաբերություններում բարեխղճության սկզբուքները ճանաչվում են նաեւ Միջազգային պայմանագրերի իրավունքի մասին Վիեննայի կոնվենցիայով, ինչպես նաեւ օրենքի գերակայության սկզբունքները պահանջում են, որ պայմանագրերը մեկնաբանվեն իրենց նպատակներին ու խնդիրներին համապատասխան», - ասվում է բանաձեւի մեջ
Բուդապեշտի դատարանի կողմից ցմահ բանտարկության դատապարտված ադրբեջանցի սպա Ռամիլ Սաֆարովը 2012թ. օգոստոսի վերջին արտահանձնվել էր Ադրբեջան: Հայրենիք ժամանելուն պես հայ սպային գազանաբար սպանելու համար դատապարտված հանցագործը արդարացվել, պաշտոնում բարձրացվել եւ պարգեւներ (տուն եւ 8 տարվա աշխատավարձ) է ստացել՝:
