Անհրաժեշտ է ընդլայնել լիբանանյան եւ հայաստանյան զբոսաշրջային ոլորտների միջեւ համագործակցությունը, քանի որ երկու երկրների միջեւ հին կապեր կան: Լիբանանի եւ Հայաստանի զբոսաշրջային հատվածների ներկայացուցիչների համար համատեղ սեմինարում նման կոչ է արել Լիբանանի զբոսաշրջության նախարար Միշել Ֆարաոնը, գրում է լիբանանյան «The Daily Star» թերթը:
«Անհրաժեշտություն կա ամրապնդել երկու երկրների զբոսաշրջային հարաբերությունները, քանի որ մեր ժողովուրդները բարեկամներ են, մեր պետությունները՝ բարեկամներ են, եւ մենք շատ մոտ ենք իրար»,- ասել է նա: Ֆարաոնն ընդգծել է Լիբանանում հայկական սփյուռքի կարեւոր դերը: Նա նշել է, թե Լիբանանը կոչ է անում իր քաղաքացիներին այցելել Հայաստան եւ աջակցել նրա զբոսաշրջային հատվածին:
