Օրերս Գառնի գյուղի բենզալցակայանի մոտ տեղի ունեցած ծեծկռտուքն ավարտվել է կրակոցներով: NEWS.am-ի տեղեկություններով, հաճախորդի եւ աշխատակցի միջեւ բենզին լցնելու շուրջ վիճաբանություն է ծագել, որը վերածվել է ծեծկռտուքի:
Միջադեպն այդ պահին հանդարտվել է առանց հետեւանքների: Սակայն նույն օրը կեսգիշերին 32-ամյա հաճախորդը իր «Նիվա» մակնիշի մեքենայով վերադարձել է նշված վայր ու իր մոտ եղած զենքից մի քանի անգամ կրակոցներ արձակել:
Ոստիկանությունից NEWS.am–ի հետ զրույցում հավաստիացրել են, որ վնասվածքներ ստացողներ չեն եղել, կրակոցները անկանոն են եղել: Երեկ բերման է ենթարկվել կրակոցների հեղինակը, իսկ դեպքը տեղի էր ունեցել նոյեմբերի 23-ի կեսգիշերին: