Զինյալների հենակետերի ուղղությամբ Սիրիական օդուժի կողմից հասցված ավիահարվածի արդյունքում առնվազն 63 մարդ է զոհվել, որոնցից կեսից ավելին՝ խաղաղ բնակիչներ: Այդ մասին հայտնում է «Ինտերֆաքսը»՝ վկայակոչելով Սիրիայի Մարդու իրավունքների դիտարկման խորհրդի նախագահ Ռանի Աբդել Ռահմանին:
Աղբյուրի փոխանցմամբ՝ Ռաքան «Իսլամական պետության» զինյալների հիմնական հենակետն է:
«63 զոհվածներից 36-ը քաղաքացիական անձինք են», - գործակալությունը մեջբերում է իրավապաշտպանին: Նրա խոսքով՝ մահացածներից 20-ի մարմինները դեռեւս չեն ճանաչվել եւ չի բացառվում, որ դրանց թվում եւս կարող էին լինել խաղաղ բնակիչներ:
