Ֆրանսիայի արդարադատության նախարար Քրիստիան Տոբիրուին խնդրել են «մտածել»՝ նախքան սոցիալական ցանցերում հաղորդագրություններ տեղադրելը: Twitter-ի իր միկրոբլոգում Տոբիրուն կտրուկ է արտահայտվել ԱՄՆ-ում ոստիկանների կողմից դեռահասների սպանության շարքի վերաբերյալ:
«Քանի՞ տարեկան էր Մայքլ Բրաունը՝ 18, Թրեւյվոն Մարթի՞նը՝ 17, Թամիր Ռա՞յսը՝ 12: Հաջորդը քանի՞ տարեկան կլինի՝ 12 ամսակա՞ն: «Սպանեք նրանց, քանի դեռ չեն մեծացել», Բոբ Մարլի», գրել ՝ Քրիստիան Տոբիրան:
Ֆրանսիայի պաշտոնական ներկայացուցիչ Սթեֆան լե Ֆոլը դատապարտել է արդարադատության նախարարին իր կտրուկ գնահատականի համար՝ հայտարարելով, որ նախարարները պետք է խուսափեն քաղաքական հայտարարություններից, իսկ սոցցանցերից օգտվելիս մտածել՝ նախքան հաղորդագրություն տեղադրելը, հայտնում է «ՌԻԱ Նովոստին»՝ վկայակոչելով BFM TV-ին:
Հիշեցնենք, որ կիրակի Քլիվլենդում մահացել էր 12-ամյա երեխա, որի վրա մանկական խաղահրապարակում կրակել են ոստիկանները: Ավելի ուշ պարզվել էր, որ երեխայի ձեռքի ատրճանակը խաղալիք է եղել: Ոստիկանությունը սպանության տեսագրությունը հրապարակել է:
