Հայաստանում առաջիկայում խորհրդարանական ոչ իշխանական ուժերը կազմակերպելու են հանրահավաք, որը կլինի մշտապես: Այսօր` նոյեմբերի 27-ին, լրագրողների հետ զրույցում այսպիսի հայտարարություն արեց Ժողովրդական կուսակցության նախագահ Տիգրան Կարապետյանը, որը վերջերս միացել է եռյակին:
Տիգրան Կարապետյանի խոսքով` եռյակն իսկապես դառնում է համաժողովրդական շարժում, քանի որ տասնյակ կուսակցություններ են միավորվում:
«Այսօր այնպիսի վիճակ է, որ երբեք չի եղել Հայաստանում. Ամբողջ դաշտը փորձում է միանալ, մեկ միավոր դառնալ: Սա շատ լավ է, մինչեւ տարեվերջ նաեւ հանրահավաքներ ենք անելու, որից մեկը կլինի մշտապես, այսինքն ամեն օր երթեր ու հանրահավաքներ կլինեն»,- ասաց կուսակցության նախագահը:
Նրա խոսքով` դեկտեմբերի 10-ին ինքն էլ է լինելու հանրահավաքին: Թե որն է լինելու այդ օրվա թեման, վերջինս չցանկացավ բացել փակագծերը:
