Եթե ժողովուրդը պատրաստ լիներ, ապա եռյակի հանրահավաքները շարունակական կլինեին: Այս մասին այսօր` նոյեմբերի 27-ին, լրագրողների հետ զրույցում ասաց Ժողովրդական կուսակցության նախագահ Տիգրան Կարապետյանը:
NEWS.am-ի հարցին` արդյոք ժողովուրդն է մեղավոր եռյակի պասիվության համար, Տիգրան Կարապետյանը պատասխանեց. «Իսկ ո՞վ է ասում, որ եռյակը պասիվ է, հանրահավաքներ ամեն օր կլինեն, երբ հարկը կլինի»:
Թե երբ է «հարկը լինելու», կուսակցության նախագահը դժվարացավ պատասխանել:
Ինչ վերաբերվում է «Ժառանգություն» կուսակցության առաջնորդ Րաֆֆի Հովհաննիսյանի` առանձին հանրահավաք անցկացնելուն, ապա Տիգրան Կարապետյանը կարծում է, որ սրանով եռյակը չի պառակտվելու, իսկ Րաֆֆի Հովհաննիսյանն էլ ազատ է իր գործողություններում: