Կալանավորված ադրբեջանցի իրավապաշտպան Լեյլա Յունուսի վիճակը ավելի է վատթարանում: Այդ մասին Turan-ին հայտարարել է Յունուսների ընտանիքի բարեկամ եւ մասնագիտությամբ բժիշկ Ազադ Իսազադեն:

Նախօրեին Իսազադեն հեռախոսով զրուցել է Լ. Յունուսի հետ, ով հաստատել է, որ ստամոքսում սուր ցավեր ունի եւ որ 12 կգ նիհարել է:

«Նրա ատամներն ու մազերը թափվում են: Շաքարի պարունակությունը բարձրացել է մինչեւ 220, բարձր արտերիալ ճնշում ունի, թուլացել է տեսողությունը: Նա չի կարողանում անգամ ինքնուրույն 5 քայլ անել», - հաղորդել է բժիշկը:

Իսազադեն ենթադրում է, որ Յունուսի մոտ ակտիվացել է հեպատիտ C-ն եւ լիովին հնարավոր է, որ լյարդում ընթացող գործընթացները ուղղակիրոեն տանում են ցեռոզին:

«Ինձ ցանկանում են կոտրել եւ հետ կանգնել իմ ուղուց, բայց ես ողջ կյանքս նվիրել եմ այս գործին եւ այդ ուղուց չեմ շեղվի», - Իսազադեն մեջբերել է իրավապաշտպանի խոսքերը:

Հիշեցնենք, որ Յունուս ամուսինները կալանավորվել են լրագրող Ռաուֆ Միրքադիրովի գործի շրջանակներում: Նրանք բոլորը մեղադրվում է Հայաստանի հատուկ ծառայությունների հետ համագործակցության մեջ;