«Ենթակառուցվածքների կայունության աջակցություն» ծրագրի շրջանակներում Հայաստանը Ասիական զարգացման բանկից 49 մլն դոլար կստանա: Հոկտեմբերի 3-ին ստորագրված ծրագրի հիմնական նպատակը ջրամատակարարման եւ ավտոտրանսպրոտի կառավարման ժամանակակից համակարգերի ներդնումն է:

Գումարը կտրամադրվի Հատուկ փոխառելիության իրավունքի (SDR) տեսքով՝ 25 տարի ժամկետով եւ 5 տարի արտոնյալ պայմաններով, տարեկան 2% տոկոսադրույքով: Ծրագրով նախատեսվում է 2015թ.-ից սկսած քարտեզագրել հանրապետության բոլոր ճանապարհները եւ կազմել դրանց վիճակի տեսագրությունը, ինչպես նաեւ ճանապարհների հարթութան աստիճանավորման դիտարկում անցկացնել ըստ միջազգային ինդեքսի: Ծրագրվում է  նաեւ ջրամատակարարման օպերատորների կողմից կառավարվող ջրային ակտիվների գրանցում իրականացնել՝ նշելով դրանց վիճակը: