Էթիկայի սահմանները չպետք է անցնել: Ազգային ժողովի շենքի առջեւ այսօր` դեկտեմբերի 4-ին, ՀՀԿ-ական պատգամավորների եւ ԵՏՄ-ի դեմ բողոքող քաղաքացիների միջեւ տեղի ունեցած միջադեպերին այսպես արձագանքեց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը:
«Ցանկացած ոչ կոռեկտ արտահայտություն մերժում եմ, բայց մարդ ենք, բոլորս էլ կարող ենք սխալվել: Ես միշտ ասել եմ, որ բոլորս պիտի լինենք բարեկիրթ, ու նախ եւ առաջ մեր երկրի քաղաքացիները պետք է բարեկիրթ լինեն, չանցնեն էթիկայի սահմանները»,- ասաց Շարմազանովը:
Նշենք, որ այսօր ԵՏՄ-ին անդամակցելու դեմ անցկացվող ակցիայի ժամանակ նախ ՀՀԿ-ական Սամվել Ալեքսանյանն էր վիրավորել ակտիվիստներից մեկին, հետո արդեն Աշոտ Աղաբաբյանն ու Վազգեն Կարախանյանը:
