Ղարաբաղյան ուղղաթիռի կործանումը տեսագրած եւ այն սոցկայքում տեղադրած զինվորը պատժվել է: Այդ մասին հայտարարել է Ադրբեջանի պաշտպանության նախարարի մամուլի ծառայության ղեկավար Վաղիֆ Դեհաթլին հայտարարել է՝ ի պատասխան պատգամավոր Ահիլ Աբասի նկատողությանը, հայտնում է ANS հեռւստաալիքը:

Աղբյուրի տվյալներով՝ նախօրեին Ադրբեջանի Հանրապետության պետական եււ զանգվածային լրատվամիջոցների ներկայացուցիչների մասնակցությամբ նիստ է տեղի ունեցել, որի ընթացքում քննարկվել են տեղեկատվական անվտանգության հարցերը:

Վաղիֆ Դերհաթլին հայտարարել է, որ զինծառայողի ինքնությունն անմիջապես հաստատվել է: «Նրա նկատմամբ լուրջ քայլեր են ձեռնարկվել: Պարզապես կա տեղեկություն, որը մենք չենք կարող բարձրաձայնել, եւ խնդրում ենք ըմբռնումով մոտենալ»:

Հիշեցնենք, որ ԼՂՀ ՊՆ-ի փոխանցմամբ՝ ղարաբաղա-ադրբեջանական սահմանի արեւելյան հատվածի օդային տարածքում նոյեմբերի 12-ին, ժամը 13.45-ի սահմանում ուսումնավարժական թռիչքի ժամանակ ադրբեջանական ԶՈւ-ի կողմից հրադադարի ռեժիմի խախտման արդյունքում խոցվել էր ԼՂՀ ՌՕՈւ «Մի-24» ուղղաթիռը: Խոցման վայրը շփման գծին չափազանց մոտ էր: Հակառակորդը շարունակում էր տարբեր տրամաչափի հրաձգային զենքերից ինտենսիվ կրակ վարել դեպքի վայրի ուղղությամբ՝ թույլ չտալով մոտենալ ուղղաթիռի անկման վայրին: Ուղղաթիռի խոցումից տասն օր անց՝ նոյեմբերի 22-ին, ԼՂՀ զինված ուժերը հատուկ գործողություն իրականացրին, որի արդյունքում դուրս բերեցին եւ ընտանիքներին հանձնեցին Ազատ Սահակյանի դին, Սերգեյ Սահակյանի եւ Սարգիս Նազարյանի մասունքները։