Մոսկվայի «Նացիոնալ» հյուրանոցում ինքնասպան է եղել 68-ամյա գործարար Իվան Շերվաշիձեն: Ըստ LifeNews-ի՝ նա գլխավորում էր երաժշտական գործիքների եւ սարքավորումների վաճառքով զբաղվող ընկերություն:
Մինչդեռ «Ինտերֆաքսը» հայտնում է, որ մահացածը ֆինանսական ընկերության համասեփականատեր էր, իսկ ինքնասպանության պատճառը, ըստ գործակալության աղբյուրի, «այսօրվա հոգեբանական լարումն է»:
LifeNews-ի տրամադրության տակ է հայտնվել «Նացիոնալ» հյուրանոցից մի տեսագրություն, որտեղ երեւում է, որ ինքնասպանություն կատարելուց առաջ տղամարդը որոշ ժամանակ զբոսնել է միջանցքներում: Նրա հագին եղել է վերնահագուստ, ձեռքին՝ պայուսակ եւ փաթեթ: Ըստ որոշ տվյալների՝ դրա մեջ ատրճանակ է եղել: Թեքվելով անկյունում՝ տղամարդն ատրճանակի փողը դրել է բերանը եւ սեղմել ձգանը:
Կրակոցի ձայնից հավաքված կենվորները եւ հյուրանոցի անձնակազմը ոստիկանություն են կանչել: Ոստիկանները մահվանից առաջ գրություն են հայտնաբերել, որում Իվան Շերվաշիձեն խնդրել է իր աճյունամոխրը շաղ տալ Սեւ ծովում: Տղամարդու մոտ գտել են նաեւ փաստաթղթեր եւ կտակի թղթեր: Գործարարը մանրամասն ծրագրել էր իր մահը եւ նախապես բաշխել ժառանգությունը հարազատների միջեւ:
