Արագածոտնի մարզի Կարբի գյուղում գտնվող «Թամարա Ֆրութ» ՍՊԸ-ի արտադրամասերից մեկում հուլիսի 7-ին ամոնիակի բալոն է պայթել:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել` Աշտարակից երկու մարտական հաշվարկ, մարզային փրկարարական վարչության փրկարար ջոկատը եւ օպերատիվ խումբը:
Դեպքի վայրում պարզվել է, որ ամոնիակի մղման պոմպի եւ խողովակաշարի միացման հատվածի ներդիրի վնասվածքի հետեւանքով տեղի է ունեցել ամոնիակի արտահոսք (մոտ 60-70 կգ):
Հրշեջ-փրկարարների կողմից իրականացվել է ջրային վարագույրի միջոցով ամոնիակի տարածման կանխում, իսկ «Թամարա Ֆրութ» ՍՊԸ-ի վթարավերականգնողական խմբի կողմից` ամոնիակի արտահոսքի դադարեցում եւ վնասված ներդիրի փոխարինում:
Տուժածներ չկան: